Usurbilen zaintzaren esparruan egindako lanketari jarraiki, hautazkoa ez den bakardade egoeran
dauden Usurbilgo herritarrengan hauskortasun egoerek ekartzen dituzten ondorioak garaiz detektatu
eta ekiditea da, aldi berean, egoera hau pairatzen duten pertsonentzako ere esku-hartze sozio-hezitzaile eta komunitarioko zerbitzu bat eskainiz. Egitasmo hau Usurbilgo herriak pandemia aurretik habian jarri zuen zaintza eredu berri baten eraikuntza kolektiborako bideari jarraipena ematera dator. 

Eredu berri honek gizarte-zaintzako kultura partekatua bultzatzen du, berrikuntzan eta parte-hartzean oinarritua, begirada Pertsonengan Zentratutako Arretan jarriz. Beraz, Usurbilgo Zaintza Ekosistemaren garapen estrategikorako bitarteko pausu bezala aurkezten da egitasmoa, Usurbilek duen Herri Zaintzaile ortzimugara iritsi ahal izateko. Helburua, bakardade egoera hauskorrean dagoen herri komunitateko gainontzeko pertsonekin harremantzeko konexioak ahalbidetzea da, erakunde publiko nahiz komunitarioek eskaintzen dituzten baliabide eta zerbitzu ezberdinen (eskaintza kulturala, kirol eskaintza, elkarteak, zerbitzu publikoak…) aukerez informatu eta bertan parte hartzea sustatuz, eta, zaintza ekosistema lokalarekin loturak eginez. Bide ekintzailea garatu du Usurbilgo Udalak zainketen arkitekturari dagokionez, eta beti defendatu du zaintza politikak eremu publikotik, pribatutik eta komunitariotik egiten direla. Zentzu horretan, esperimentazio fase baten ondoren, komunitatea traktorizatu eta inplikatu nahi du orain aurkezten den proiektuarekin. Gaur gaurkoz dugun bizimodua eta erritmo bizkorra, oztopo dira auzokideen edo komunitateko kideen arteko harremanak sortzeko.

Harreman esturik gabe, deskonexio soziala sortzen da, eta horrek ardura kolektiboaren zentzua
mugatzen du. Proiektu honek beraz, komunitate aktibazioan eta harremanetan palanka izan nahi du.
Beraz, esku-hartze sozio-komunitario eta hezitzailean oinarritutako inklusio komunitarioko prozesu
baten akonpainamendua da gauzatzen dena. Zerbitzu honek bakardade ez hautatuak azkartu
ditzakeen narriadura prozesuak (osasun fisiko eta psikologikoa, harreman sozialak…) eta gizarte
bazterketa eta mendekotasun egoerak ekiditea edo atzeratzea du helburu, parte hartze soziala eta
inklusio eta aktibazio komunitarioa sustatuz.

• Bakardade ez hautatuari aurre egiteko Zaintza sareak ehuntzea Zaintza Ekosistemaren bidez.
• Proiektua garatzen lagunduko duen elkarlan publiko-komunitarioa sustatzen jarraitzea.
• Proiektua garatzen lagunduko duen elkarlan publiko-kooperatiboa sustatzea. 
• Koordinazio sozio-sanitarioa indartzen jarraitzea.
• Usurbilgo bakardade egoera hauskorraren inguruan dagoen errealitatea ezagutu analisi kuantitatibo eta kualitatibo baten bidez.
• Usurbilgo adinekoen egoera soziodemografikoa ezagutu.
• Usurbilek dituen tokiko baliabideak ezagutu, hauen bitartez bakardade ez hautatu egoeran dauden pertsonak komunitatean txertatu ahal izateko.
• Egoera hauskorrean eta isolamenduan aurkitzen diren pertsonak identifikatzeko eragile klabeak identifikatu, Auzozain eta Mentore errola izango dutenak alegia.
• Sare komunitarioen dinamikak ezagutu. 
• Hautazkoa ez den bakardadearen inguruko herritarren ikuspuntua jaso. Bakardade egoera hauskorrean dauden pertsonen ikuspuntua ezagutu.
• Komunitatea indartu eta aktibatu. 
• Zaintza-sare informala (Herriko eragile, komertzio, bizilagun…) aktibatu edota indartu,
• Usurbilgo pertsona hauskorrak babesteko.
• Zaintza-sare formala (koordinazio soziosanitarioa, eskola, udaltzaingoa, Harrera Zerbitzua, zein Emakumeen Etxea) aktibatu edota indartu, Usurbilgo pertsona hauskorrak babesteko.
• Zaintzen inguruan komunitatearekin hausnarketa sustatu eta sentsibilizatu, egoera hauskorrean dauden pertsonak babestu, eta egoera posible hauek prebenitzeko.
• Ehun komunitario ahula dagoen auzoetan dinamika komunitarioak sustatu eragilen sozialekin.
• Bakardade egoera hauskorrean dauden pertsonen detekzio goiztiarra.
• Informazio sistemaren erabilera sustatu bakardade hauskorrean egon daitezkeen adinekoak aurre identifikatzeko.
• Zaintza sare formala, zein informala aktibatu eta formatu bakardade egoera hauskorrean dauden pertsonak identifikatzeko.
• Egoera hauskorren dauden pertsonen bizi-kalitatea hobetu. Egoera hauskorrean dauden pertsonen bakardade sentsazioa murriztuz, sare-sozialak indartuz, komunitateko baliabideetara konektatuz eta pertsonaren ahalduntzea bermatuz.

• Helduak
• Nagusiak
• Nahi gabeko bakardadea