Belaunaldiarteko etxebizitza komunitarioa.

Gaur egungo etxebizitzen ereduak eta beren prezioek ez diete erantzuten jendartearen beharrei, eta horren aurrean beharrezkoa da eredu berriak diseinatu eta inplementatzea, besteak beste, izaera publiko-komunitarioa izango duten etxebizitzak sustatuz.

Gazteak eta adin nagusiko pertsonak bereziki baztertuta geratzen dira gaur egun indarrean dagoen eskaintzatik. Gazteak euren diru-sarrerengatik nagusiki eta adin nagusikoak, zenbait faktorerengatik (irisgarritasuna, herrigunetik urrun bizitzea, bakardadea, beharrak aldatu direlako...). Horregatik pentsatu zen, bi kolektibo hauek elkarren eskutik joan zitezkeela, kemena eta esperientzia bateratuz, txirikorda bat sortzen.

Eraikin berria, pertsona guztien artean (zabalera, gelak, espazio komunak, hornikuntza, eta abar) erabakitzen da diseinua, etxebizitza-tipologia desberdinak barne.

Norberaren beharrak asetzeko etxebizitza pribatuak eta espazio komunitarioak izango ditu, behar kolektiboak eta belaunaldiarteko elkarbizitza bultzatzeko.

Hausnarketarako prozesu parte-hartzailea izan da. Prozesuan parte hartu zuten pertsonen artean, ezarri nahi ziren sarbide-baldintzak erabaki ziren. Prozesu horretetan Hirituk-At eta Zabalduz enpresek parte hartu zuten. Proiektuaren lehen aurkezpen ofiziala 2019. urtearen hasieran egin zen. Ondoren, Hirik-at enpresak proiektuaren diagnostikoa aurkeztu zuen 2022ko ekainean.

Etxebizitzak eskuratzeko baldintzak hauek dira: Usurbilen gutxienez bi urtez erroldatuta egotea.

Gazteek 5 urteko kontratua izango dute, eta adinekoen kasuan, Gizarte Zerbitzuak dira lehenengo 5 urteak igaro ondoren jarraitzea komeni den ala ez baloratzen eta erabakitzen dutenak.

• Gazteentzako emantzipazio beharra.
• Adineko pertsonentzako etxebizitza eta bizikidetza eredu berrien beharra.
• Belaunaldi artekotasuna sustatu eta sare komunitarioak sortu.
• Usurbilgo Zaintza ekosistemarekin lerrokatuz herrian zaintza beharra duten pertsonen sare komunitarioen indartzea sustatu.

 

• Gazteak
• Nagusiak