Hauskor programak gizarte eta hezkuntza alorreko, eta psikologia eta gizarte alorreko zerbitzua eskaintzen du, adinekoen gizarte-hauskortasun egoeretan artatze-lana egiteko etxebizitzan edo ingurune komunitarioan.

Programaren ezaugarriak:

• Etxea eta komunitatea lehenesten dira zaintza- eta arreta-gune gisa, eta adinekoak bere etxean bizitzen jarrai dezan ahalbidetzen da (askotan hori da adineko pertsonaren lehentasuna).
• Adinekoek euren bizimodua inguruan garatzen jarraitzeko eta bizitza-proiektuan aurrera egiteko aukera izatea bermatzen duten estrategia eta politiken alde egiten da.
• Ikuspegi komunitariotik, pertsonak bere ingurunearekin lotuta jarrai dezan lanketa bat egiten da, eta, aldi berean, sentsibilizazio-lan bat egiten da adinekoen gizarte-hauskortasunaren errealitateari buruz, inguruneko gizarte-sistema eta -eragileekin batera.
• Prebentzioaren ikuspegia eskaini nahi da, mendekotasunaren aurreko egoeran arreta jarriz, eta, horrela, bizi-baldintzen eta bizi-kalitatearen eraginkortasun eta efikazia handiagoa lortuz.

Helburu orokorra:

• Gizarte Hauskortasun egoeran dauden adinekoen bizi-kalitatea hobetzea, haien autonomia eta garapen pertsonala erraztuz, horrela beren bizi-proiektua lortu eta ingurunean baldintza egokietan mantendu ahal izateko.

Berariazko helburuak:

• Gizarte-hauskortasuneko egoeran dagoen adineko pertsona artatzea, gizarte-laguntza eta hurbileko zaintza eskainiz, haren gizarte-premiak asetzeko, haren autonomia bultzatzeko, eta bizi-baldintzak eta -kalitatea hobetzeko.
• Hauskortasun-egoeran dauden adinekoen gizarte- eta komunitate-sarea indartzea, bizitza sozialean eta komunitarioan parte hartzea sustatuz, pertsonek beren lurraldearekin lotura izan dezaten bultzatuz eta harremanak izan ditzaten lagunduz.
• Gizarte hauskortasun egoerak antzemateko sare komunitarioa indartzea: komunitateko beste eragile batzuekin batera, hauskortasun-egoeran dauden pertsonak sentsibilizatzeko eta hautemateko lana egitea.

• Nagusiak