Zerbitzu hau pertsonen eskura egunean zehar joan daitezen jartzen da, eta intentsitate txikiko laguntza eskaintzen zaie, beren arreta-premia espezifikoei lotuta. Horrela, helburu nagusia da mendetasun-arriskuan edo -egoeran dauden adinekoei laguntzea haien autonomiari eusten  (I. gradua, MBBn 25 eta 39 arteko puntuazioa dutenak), ohiko bizi-ingurunean irauten eta gizarteratzen, eta, hala badagokio, isolamendu-egoerak konpentsatzea.

Pasaiako udalerrian kalteberatasun- eta hauskortasun-egoeran dauden eta/edo mendetasun arina duten 60 urtetik gorako pertsonei laguntzea, beren ohiko bizimoduarekin jarraitu ahal izan dezaten eta komunitatean modu aktiboan mantendu ahal izan daitezen, hala badagokio, isolamendu- eta bakardade-egoerak arinduz.
​​​​​​​
Berariazko helburuak:

• Adinekoei esparru egokia eskaintzea harreman eta jarduera sozialak garatzeko.
• Adinekoa bere testuinguru pertsonalean eta familiarrean integratuta mantentzea.
• Pertsona bakoitzaren independentzia ahalik eta ondoen mantentzea edo berreskuratzea, bere gaitasunen arabera.
• Gaitasun kognitiboen galera atzeratzea, estimulazio-teknikak erabiliz.
• Taldeko kide izatearen sentimendua lantzea.
• Sozializazioa bultzatzea, elkarrekiko komunikazioa landuta.
• Bakardadearen eta isolamenduaren balizko ondorioak saihestea.
• Depresio- eta antsietate-sintomak prebenitzen laguntzea.
• Egunerokotasunarekin eta errealitatearekin duen erlazioan sakontzea.
• Aisialdia modu positiboan sustatzea.
• Jarduera fisikoaren eta osasunaren arteko harremana lantzea.
• Arreta eta oroimena indartzea.
• Komunikazioa areagotzea eta norberaren iritziaren adierazpena sustatzea.
• Sorkuntza areagotzea, hainbat jardueraren bidez.
• Tokiko jarduera komunitarioetan parte hartzea sustatzea.
• Belaunaldien arteko harremanak sustatzea jardueren bidez.

• Nagusiak