KORALE INTERREG EUROPE programaren baitan sortutako proiektua da, Europar Batasunak finantziatua eta bere helburua, praktika eta ezagutza komunitate baterantz aurrera egitea da, bakardadea politika publikoetatik prebenitu eta jorratzeko. ADINBERRI, Gipuzkoako Foru Aldundiaren proiektu estrategikoetako bat, ekainean Donostian izango den nazioarteko ekimen horren buru da.

ADINBERRI buru duen Europako proiektu honek nahi ez den bakardadearen eta gizarte-isolamenduaren arazoari heldu nahi dio, horixe baita Adinberri Fundazioak eta Gipuzkoako Foru Aldundiak azken 4 urteetan HARIAK Estrategiaren bidez lanean diharduten egungo gizartearen erronka nagusietako bat.

KORALE, ADINBERRIrekin batera, Europako beste bost bazkidek osatzen dute: Social City Vienna (Austria), Santa Casa da Misericórdia of Lisbon (Portugal), Fingal County Council (Irlanda), Municipality of Aalst (Belgika) eta Central Denmark Region (Danimarka). Horiek guztiek lau urtez egingo dute lan, eta bai adineko pertsonengan, bai gazteengan nahi ez diren bakardadeen esparruko esperientziak eta jardunbide egokiak partekatuko dituzte, politika publikoen-mailan aldaketa bultzatzeko.

Programa amaitzen denean, 24 jardunbide egoki eta arlo honetako ekimenak bideratuko dituen Politiken Gida bat argitaratuko dira.

Eta lehen urrats gisa, datorren ekainaren 20an, Tabakaleran (Donostia), KORALE Community Rail nazioarteko ekitaldia izango da. Topaketa hau, KORALE proiektuan inplikatuta dauden hirien arteko ibilbidearen hasiera izango da.