Bakardadearen garrantzia areagotuz joan da azken urteotan, eta gure gizartearen erronka nagusietako bat da gaur egun. Horretaz jabeturik, Gipuzkoako Foru Aldundiak eta Adinberrik 3 urte baino gehiago daramatzagu ibilbide-orri bateratu bat, bakardadeei aurre egiteko estrategia bat, jorratzen: HARIAK du izena, eta Etorkizuna Eraikiz ekimenaren barruan sortu da.
Orainari begira egiten dugu lan, baina etorkizunari begirik kendu gabe.
2021ean marko estrategikoa eskualde bakoitzeko udal eta gizarte eragileekin eraiki genuen. 77 udalek, Osakidetzako 6 ESIk, tokian tokiko 98 eragilek eta 20 enpresa eta berrikuntza zentrok parte hartu zenuten prozesu horretan. Zuen guztion laguntzari esker, jarduera-esparru estrategiko komun bat eraiki dugu, Hariak, Gipuzkoako bakardadeen aurreko estrategia. Estrategia honek, bakardadeen fenomenoa jorratzen jarraitzeko balioko digu, belaunaldien arteko eta lankidetzazko ikuspegi batetik, eta gizarte eta komunitate-loturak sendotuz.
Ondoren, 2022. urtean, egindako lanaren deboluzioa burutu genuen Gipuzkoan zehar, herritarrei zuzendutako elkarrizketa publiko zabal bat sustatuz eta 1549 herritarren parte hartzearekin.

Eta orain, 2023. urtean, beste urrats bat emango dugu, Estrategiaren I. Jarduketa Planari lotutako proiektuak elkarrekin sustatu eta garatzen jarraitzeko. Horien bidez, bakardadeei buruzko elkarrizketa publikoa eraikitzen jarraitu, gizarte-loturak sendotu eta, azken finean, nahi ez ditugun bakardade-egoerak saihestu eta gainditzeko urratsak eman nahi ditugu.

Agenda

Laster ez dago ekitaldirik