Gipuzkoako 55 urteko eta gehiagoko pertsonen ongizate-sentimenduari eta bizitzarekiko gogobetetzeari buruzko datuak, aitortutako bakardade-egoeraren arabera.

Jardueretan parte hartzeari eta IKTen erabilerari buruzko datuak 55 urteko eta gehiagoko pertsonen artean, aipatutako bakardade-egoeraren arabera.

Txosten honen helburua bakardadearen aurkako borrokan teknologiaren potentzialtasunak identifikatzea izan da. Azterketa honek ikuspegi integral bat aurkezten du, tresna kualitatiboak eta kuantitatiboak konbinatuz, gaur egungo eta etorkizuneko eztabaidari ekarpen funtsezkoa eginez, eta gizatiarragoa den teknologia bat nola sortu aztertuz, konekzioak eta inklusioa sustatzeko. Azterketa honek mugarri bat ezartzen du teknologiaren eta bakardadearen arteko harremana jorratzerakoan, eta baieztatzen du teknologia, diseinu, garapen eta erabilera egokiekin, ezinbesteko aliatu bihur daitekeela bakardadearen maiztasuna murrizteko, populazio talde desberdinetan, hala nola gazteak, adineko pertsonak edo ezgaitasuna duten pertsonak.

Gida honen helburua Gipuzkoako Lurralde Historikoko etxebizitzen diseinurako jarraibideak definitzea da, bakardadearen pertzepzioa arintzeko eta bakarrik bizi diren 55 urtetik gorako pertsonen autonomia sustatzeko. Pertsonen bizitza-zikloa kontuan hartzea da kontua, eta estatikoa den eta denboran izoztuta dirudien familia nuklear baterako pentsatutako etxebizitza-eredu bat zalantzan jartzea. Horretarako, eredu finkatu hori aldatu ahal izateko jarraibideak definitzen dira, etxebizitzak bertan bizi diren pertsonen garapenarekin batera eboluzionatzen duen organismo bizidun bihur daitezen.