Bakardadean eta/edo hauskortasun egoeran dauden adineko pertsonei zuzendutako programa. Goizez burutzen da; taldeko eskuhartze psikosozial saioak dira, profesional baten gidaritzapean.
Esparru kognitiboarekin, fisikoarekin, eta harremanekin, lotutako alderdiak landuko dira, metodologia aktibo eta parte-hartzaile baten bidez.
Zerbitzuaren esku-hartze eremuak honako hauek izango dira:

• Eremu indibiduala: esku-hartzea adineko pertsona bakoitzari zuzenduta, bere baliabideak eta aukerak ezagutzeko, jarduerak bere benetako gaitasunera egokitzeko.
• Talde eremua: parte hartzaileen arteko harreman sozialak sustatzeko tailerrak eta jarduerak antolatuz.
• Komunitate eremua: zerbitzua kokatuta dagoen zentroko eta hurbileneko inguruneko bizitzan adineko pertsonak integratzea erraztuz.

Programaren jarduerak tipologia hauei egokituko zaizkie:

• Osasun fisikoa sustatzea
• Osasun kognitiboa sustatzea
• Gizarte-harremanak eta integrazioa sustatzea
• Izaera ludikoa eta eskuzkoa

Helburu orokorrak:

• Adinekoen autonomia pertsonala bultzatzea, narriadura eta mendekotasun-egoerak atzeratuz eta etxean ahalik eta denbora gehien egotea ahalbidetuz.
• Gizarte-laguntza gutxi duten eta/edo etxean bakarrik denbora luzez egoten diren adinekoen gizarte-harremanak eta komunikazioa erraztea, gizarte-isolamendua saihesteko.

Helburu zehatzak:

• Adineko pertsonei elkartzeko eta beste pertsona batzuekin eta udalerriko komunitate-jarduerekin harremanak izateko guneak ematea.
• Pertsona bakoitzaren gaitasunak sustatzea, bizitza aktiborako jardueren garapena erraztuz.
• Gaitasun kognitiboen galera atzeratzea, arretarako, memoriarako eta abarrerako teknikak erabiliz.
• Jarduera fisikoa eta osasunaren zaintza indartzea.
• Utzikeria eta bakardadea, depresio-sintomak eta antsietatea prebenitzea.
• Parte hartzeko guneak sustatzea, komunikazioa, hausnarketa eta iritzien ekarpena landuz.
• Egunerokoan gainbegiratzea eta laguntzea, espazio pertsonalizatuak eskainiz.
• Jarduera komunitario jakin batzuetan inplikazioa bultzatzea.
• Belaunaldien arteko topaketak sustatzea.
• Aisialdia indartzea eta modu positiboan bizitzea.
• Beste zerbitzu batzuen esku-hartzea eska dezaketen premia-egoerak detektatzea.
• Ahal den neurrian, pertsona hori ahalik eta denbora gehien etxean egon dadin ahalbidetzea, bizi-kalitatea bermatuz.

• Nagusiak