Hiriko adinekoentzako bi gizarte-zentroez gain (Luis Mariano eta Iraso), auzoetan bertara iristeko zailtasunak zituzten pertsonak zeudela ikusi zen, batez ere hiriaren erdigunera iristeko mugikortasun-zailtasunak zirela eta. Horregatik, hiriko auzoetan adinekoentzako lokalak sortzea bultzatu zen.
Une honetan 5 lokal daude San Migel, Belasko-enea, Palmera Montero, Behobia eta Anaka-Puiana auzoetan, eta hiriko beste auzo batzuetan lokalak irekitzen jarraitzeko proiektua dago.

Gune horiek dinamizazio-zerbitzu bat dute, ikastaroan zehar tailer egonkorrak antolatzen dira (memoria, dantza, antzerkia, eskulanak, artearen historia, mugikorraren erabilera...), jarduera bereziak hilero (zineforuma, kontzertuak, antzerkia, osasun-hitzaldiak, liburuen aurkezpena, kultura-irteerak...), eta dinamizazio aholkulariko profesionalek Gizarte Zerbitzuetara bideratzen dituzten bakardade edo balizko hauskortasun/kalteberatasun egoerei buruzko informazioa eman eta hautematen dute.

Sarrera doakoa da eta pertsonak hiriko edozein lokal edo adinekoentzako gunetara joan daitezke.
 

• Gune sozialen helburu nagusia da adinekoen bizi-kalitatea hobetzeko topaleku izatea, isolamendua saihestuz eta pertsona horiek gizarte-bizitzan aktiboki parte har dezaten sustatuz, haien ongizate fisikoa, psikikoa, emozionala eta soziala indartuko duten jardueren bidez.

• Nagusiak